SA nalalapit na pagtatapos ng Kapuso epic-drama series na Sahaya, mapapalaban nang bonggang-bongga si Bianca Umali (Sahaya) kina Salida (Snooky Serna) at Irene (Ana Roces).
Nagtagumpay si Salida na dukutin si Sahaya para tuluyan na itong ipapatay sa driver ni Jordan (Migo Adecer) matapos pangakuan ng malaking halaga.
Tulad ng ipinangako niya kay Irene, gagawin ni Salida ang lahat para mabura na sa mundo si Sahaya pati na ang ina nitong si Manisan (Mylene Dizon).
Pero hindi basta magpapatalo si Sahaya, makikipagbugbugan talaga siya kay Salida para makatakas. Alam niyang nasa panganib na naman ang buhay niya kaya wala siyang choice kundi ang lumaban.
Makakalabas ng sasakyan ang dalaga pero hindi siya uubra sa lakas ng kalaban. Mawawalan ng malay si Sahaya matapos suntukin sa tiyan. Tuluyan na nga kayang magtagumpay sina Irene at Salida sa kanilang masamang plano.
Ano ang gagawin nina Manisan, Ahmad (Miguel Tanfelix) at Jordan para mailigtas si Sahaya? Gumaling pa kaya si Hubert (Eric Quizon) mula sa sumpa o mas lalo pang lalala ang sakit niya sa balat dahil sa patuloy niyang kasamaan?
Marami pang twists and turns na mangyayari sa huling laban ni Sahaya sa GMA Telebabad after 24 Oras kaya huwag na huwag nang bibitiw.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.