Mr. Hipon 2019 rarampa na sa TBATS nina Boobay at Tekla

TEKLA AT BOOBAY

HAHANAPAN ng The Boobay And Tekla Show (TBATS) ng male counterpart ang viral co-host ni Willie Revillame sa Wowowin na si Herlene Budol a.k.a. Hipon Girl.

Ano nga ba ang ibig sabihin kapag tinawag kang “Hipon”? According to Urban Dictionary, it’s a person with a great body and a not so great face.

At sa The Boobay And Tekla Show tonight, abangan ang hot na hot na search for Mr. Hipon 2019. Dito magpapatalbugan ang mga male candidates with great physique who are not necessarily handsome but oozing with charm and appeal.

Tatlong health-buffs ang magtatagisan sa tatlong rounds: casual interview, talent and Q&A. Who will emerge as the first (and probably the last) Mr. Hipon 2019? The winner will receive cash, a trophy, and a year’s supply of prawn crackers!

Sa “Pranking in Tandem,” magsasama ang Dental Diva na si Kakai Bautista at Ashley Rivera sa pambibiktima sa isang balut vendor. Alamin kung bakit ito ang tinaguriang “funniest edition” ng TBATS hidden camera segment.

At sa “TBATS on the STREET,” tricky questions ang mga tanong nina Boobay at Tekla sa mga taong masasalubong nila sa kalye tulad ng, “Alin ang mas malaki: buwan o elepante?” At siguradong hahagalpak kayo sa mga naging sagot nila.

Kaya huwag na huwag aabsent sa isa na namang pasabog na episode The Boobay and Tekla Show ngayong gabi mula sa GMA Network’s Entertainment Group, after Kapuso Mo, Jessica Soho.