TEKLA AT BOOBAY
MAS lalong ginaganahang magtrabaho at mag-isip ng mga bagong paandar sina Boobay at Super Tekla dahil patuloy na namamayagpag sa ratings game ang kanilang Sunday night comedy show.
Mula nang magsimula ang kanilang The Boobay And Tekla Show sa GMA ay hindi pa rin ito natatalo sa numbers game kaya abot-langit ang pasasalamat ng dalawang komedyante sa lahat ng nanonood sa kanila tuwing Linggo ng gabi.
Sa panayam ng GMA, sinabi nina Boobay at Tekla na mas lalo silang nag-e-effort para mas mapaganda ang TBATS para maghandog ng kakaibang viewing experience sa kanilang audience.
“Siyempre, sobrang overwhelming ‘yung pakiramdam na ‘di namin in-expect na maging ganoon agad-agad ‘yung pagtanggap ng manonood.
“Siguro kasi dahil din nag-offer kami ng something new sa ating audience and at the same time, ‘yun nga ‘yung may participation sila kaya nararamdaman nila na hindi lang sila basta nanonood kung ‘di kasama rin sila mismo sa show sa pagpapasaya,” sabi ni Boobay.
Nagpahayag din ng pasasalamat si Tekla at nangakong tuloy-tuloy lang ang hatid nilang good vibes, “Sobrang thankful sa mga Kapuso natin. Siyempre hindi sila bumibitiw. Mantakin mo na late night, itutulog na lang nila, nilalaan pa nila sa amin. So isang napakalaking bagay para sa amin ni Boobay and of course the show.
“Level up to the highest level kasi siyempre dati noong sa online lang, medyo bitin. Ngayong nasa TV, siyempre mas lumawak, mas maraming pakulo,” chika pa ni Tekla.
At ngayong gabi, it’s gonna be a sizzling Sunday sa TBATS sa pagsisimula ng first ever search for the hottest bikini bods on late-night TV.
Three gorgeous men and three sexy ladies will duke it out for the coveted title of Mr. & Ms. Katawang TBATS 2019.
Hindi lang paseksihan ang magiging labanan sa kakaibang pageant na ito kundi ite-test din ang kanilang wit and intelligence as they answer thought-provoking and earth-shaking questions like, “Kung bibigyan ka ng chance, bakit ikaw ang dapat bigyan nu’n at bakit?”
In fairness, bongga ang magiging judge sa contest na ito, ‘yan ay walang iba kundi ang isa sa hottest male models ngayon and aspiring actor Clint Bondad, ang controversial boyfriend ni Catriona Gray kasama pa si Miss World Philippines 2017 Laura Lehmann.
Sa “Pranking In Tandem” naman, may gagawin si Rhian Ramos sa isang food delivery guy kakuntsaba sina Boobay at Tekla. Lahat ‘yan at iba pang nakakalokang sorpresa sa The Boobay And Tekla Show ngayong gabi sa GMA 7 after Kapuso Mo, Jessica Soho.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.