ILANG araw ka na bang nilalagnat, huwag iyang balewalain, at baka dengue na ‘yan.
Kaya dapat alisto ka sa mga sintomas na dapat mong bantayan para matiyak kung dengue ba ito o hindi.
Sa mga malumanay na kaso ng dengue ang mga karaniwang sintomas ay:
– Biglaang mataas na lagnat na umaabot sa 41°C
– Sakit ng ulo
– Sakit sa mata
– Sakit sa kasu-kasuan at kalamnan
– Pagkakaroon ng pantal
– Pagkahilo, pagsusuka at kawalan ng ganang kumain
– Lagnat na tumatagal ng halos isang linggo at pabalik-balik
Matapos ang inisyal na lagnat, nagkakaroon ng mas maraming seryosong sintomas ang pasyente na senyales ng tinatawag na dengue hemorrhagic fever.
Kinabibilangan ito ng:
– Senyales ng pagdurugo tulad ng namumulang patse na katulad ng mga pasa o kaya maliliit na pulang batik; pagdurugo sa ilong, bibig at gilagid; pagsusuka ng dugo at pagdudumi na sobrang maitim.
– Matinding sakit sa tiyan
– Senyales ng pag-kagimbal
Kapag mayroon na ng mga nasabing sintomas ng dengue fever, mapa-moderate na kaso pa lang ng dengue, maiging magpatingin na sa doktor.
622 — kabuuang bilang ng mga namatay sa dengue mula Enero hanggang July 20
146,062 — naitalang kaso ng dengue mula Enero hanggang July 20
98 % — mas mataas kumpara noong isang taon
23,330 — kaso ng dengue na naitala sa Western Visayas
16,515 — kaso ng dengue sa Calabarzon
12,317 — naman sa Zamboanga Peninsula
11,455 — sa Northern Mindanao
11,083 — sa Soccskargen
Source: DOH
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.