Lea Salonga galit na galit, napamura sa kumalat na fake news
LEA SALONGA
GALIT na galit at talagang napamura ang Broadway star na si Lea Salonga nang mabasa ang mga fake news tungkol sa kanya.
Agad-agad siyang nag-post sa kanyang Facebook account para pabulaanan ang balita na magku-quit na siya sa showbiz sa pamamagitan ng isang online advertisement.
Mensahe ng international singer, “Folks, if you come across one of those Lea Quits Showbiz bulls*** ads, those are fake. One, I’d never quit. This is what I love to do.”
Bukod dito, mariin din niyang pinabulaanan na siya ang endorser ng mga skin care products na ibinebenta online. Aniya, may kontrata pa siya sa isang kilalang care centre sa Pilipinas kaya imposibleng mag-endorse siya ng ibang produkto.
“Whoever dreamed that up is a team of motherf***ers with way too much time on their hands,” ang pahayag pa ni Lea.
Samantala, isa ang singer-actress sa mga bida sa ABS-CBN’s Cinematografo productions na “Yellow Rose.” Tungkol ito sa isang aspiring Filipino singer sa Texas na gagawin ang lahat para makilala bilang singer habang nasa panganiban na ma-deport.
Ilang award na ang nakuha nito sa ibang bansa, kabilang na ang Grand Jury Prize sa 35th Los Angeles Asian Pacific Film Festival, at sa Bentonville Film Festival at CAAMFest 37.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.