1.5-M katao dumagsa sa Quirino Grandstand para sa INC Rally –pulisya
PHOTO: Screengrab from X/@FArgosinoINQ
AYON sa huling report ng pulisya bandang 10 a.m., umabot na sa 1.5 milyong katao ang dumalo sa Quirino Grandstand sa Maynila ngayong araw, January 13.
Ang bilang na ‘yan ay ilang oras bago magsimula ang “National Rally for Peace” ng Iglesia Ni Cristo (INC).
Naunang naiulat ng INQUIRER.net ang unti-unting pagdami ng mga dumadalo sa naturang lugar.
Baka Bet Mo: LIST: Mga saradong kalsada sa NCR dahil sa INC Rally sa January 13
WATCH: Situation at the Quirino Grandstand, Manila hours before the start of Iglesia Ni Cristo’s “National Rally for Peace.”
The crowd estimate monitored around the area has reached 650,000 as of 8 a.m., according to the Manila Police District. | @FArgosinoINQ pic.twitter.com/0ZflkO1l6h
— Inquirer (@inquirerdotnet) January 13, 2025
Dakong 7:10 a.m., patuloy na nagtitipon ang mga miyembro ng INC na may dalang mga placard na nananawagan ng pagkakaisa sa Bonifacio Drive at Katigbak Parkway.
May mga miyembro rin ng INC na nakitang nagkakampo sa Anda Circle, Port Area.
Ayon sa Manila Police District (MPD), umabot na sa 650,000 ang bilang ng mga dumalo bandang 8 a.m.
Nakatakdang magsimula ang “National Rally for Peace” sa ganap na 4 p.m. ngayong araw, ayon sa isa sa mga host ng event.
As of this writing, patuloy ang informal na programa sa lugar.
Ayon sa INC, layunin ng rally na ipakita ang suporta kay Pangulong Bongbong Marcos sa kanyang pagtutol sa impeachment ni Bise Presidente Sara Duterte.
Inaasahan naman ng Metropolitan Manila Development Authority (MMDA) na aabot sa isang milyong tao ang dadalo sa nasabing pagtitipon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.