‘Pepsi’ movie ni Darryl Yap tuloy ang showing sa Pebrero, title ‘di binago
Pepsi Paloma, Darryl Yap at Red Bustamante
NILINAW ng controversial filmmaker na si Darryl Yap na hindi niya binago ang titulo ng upcoming movie niyang “The Rapists of Pepsi Paloma.”
May mga nagre-react kasi na bigla raw siyang kumambiyo at tila natakot sa 19 counts of cyberlibel na isinampa laban sa kanya ni Vic Sotto kaya tinanggal ang salitang “Rapists” sa titulo ng pinag-uusapang biopic ng yumaong sexy star na si Pepsi Paloma.
Muling nag-post si Direk Darryl sa kanyang Facebook page para ipaalam sa buong mundo na hindi pinalitan ng film production company niyang VinCentiments ang title ng bago niyang movie na pinagbibidahan ng teen star na si Rhed Bustamante bilang Pepsi Paloma.
Baka Bet Mo: Igan sa Pepsi Paloma movie ni Darryl Yap: Malabong payagan ng MTRCB
“Hindi po binago ang title ng #TROPP #TROPP2025…THE RAPISTS OF PEPSI PALOMA.
“Meron lamang pong mga sinehan sa bansa ang nagpauna nang nagsabing hindi sila maaaring magpaskil ng salitang RAPISTS kaya ang makikita lang sa kanila ay #PEPSIPALOMA,” simulang paglilinaw ni Direk Darryl.
View this post on Instagram
Sabi pa ng blockbuster director, wala pa siyang isang dekada sa entertainment at movie industry at aminadong wala siyang ganu’ng kalaking resources para lumaban sa milyun-milyong trolls sa social media.
“Ako po ay 7 years pa lamang sa Industry, walang sapat na makinarya laban sa trolls, fake news, pag pabor ng mainstream media.
“Ang Pelikula po, mabawasan man o madagdagan ng salita o kataga, iisa lamang ang basa—KATOTOHANAN.
“Pakaabangan ang Official Trailer
at ang pag-aanunsyo kung kailan sa Pebrero ipalalabas ang aming munting Pelikula,” buong mensahe ni Direk Darryl.
Nauna rito, nag-post nga ang matapang at palabang filmmaker sa FB tungkol sa bagong development sa pagpapalabas ng “The Rapists of Pepsi Paloma” kasabay ng pag-release ng official poster nito.
Kalakip ang official poster ng biopic ni Pepsi Paloma, ipinaalam din ni Direk Darryl na dalawa ang ilalabas nilang title para sa kanyang pelikula na hindi pa man naipalalabas ay gumawa na ng samu’t saring kontrobersya.
Narito ang nakasaad sa FB post ng matapang at palabang direktor:
“Ang Balita
“Ang Intriga
“Ang Kontrobersya
“Ang Hubad na Katotohanan
“The Official Poster of #TROPP… #TROPP2025
“International Title | The Rapists of #PepsiPaloma
“Philippine Cinema Title | Pepsi Paloma.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.