Manoy comatose pa rin, pamilya pumayag sa ‘DNR’
EDDIE GARCIA
NAGSAGAWA ng prayer healing mass ang pamilya at mga kaibigan ni Eddie Garcia nitong nakaraang araw sa isang simbahan sa Bel-Air Village, Makati City.
Bago ang mass, umugong ang balitang balak tanggalin ang life support ng veteran actor na nasa coma stage pa rin. Pero itinanggi ng spokeperson ng pamilya na si Dr. Tony Rabosa, na nagbigay sila ng authorization na tanggalin ang life support ni Tito Eddie.
Ang pinagkasunduan ng pamilya ay ilagay si Garcia sa DNR (do not resuscitate). Nananatiling kritikal ang kundisyon ni Tito Eddie.
Ang DNR ay tumutukoy sa “medical order” na kung sakaling tumigil na sa paghinga ang pasyente ay hindi na ito bibigyan ng cardiopulmonary resuscitation o CPR.
Narito ang latest announcement tungkol sa kundisyon ni Manoy base sa medical bulletin na inilabas ni Dr. Rebosa nitong Biyernes, “Pls be informed that the family of Mr. Eddie Garcia has not authorized nor has it consented to withdrawal of life support.
“They have however agreed to place him on DNR status. Thank you.”
Na-comatose ang veteran actor matapos maaksidente habang nasa taping ng bagong Kapuso serye na Rosang Agimat.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.