Carl Jammes Martin sasagupa kay Wannawong | Bandera

Carl Jammes Martin sasagupa kay Wannawong

Bandera |June 08,2019
facebook
share this

Carl Jammes Martin sasagupa kay Wannawong

Bandera - June 08, 2019 - 07:39 PM

Sasabak sa kaniyang ikalawang televised bout si ifugao weltetweight prospect Carl Jammes Martin Linggo ng tanghali sa TV Studios, Novaliches, Quezon City.

Makakalaban ng 20-anyos na si Martin si ng Yuttichai Wannawong ng Thailand sa isang 10-round non-tilte bout na main event ng Sanman Promotions event.

Tinaguriang ‘Wonder Boy’ ng Ifugao, tangan ni Martin ang perfect 12-0 record, 11 dito ay natapos via knockout.

Nitong Pebrero 16 sa SM Sydome nang huling lumaban si Martin kung saan pinatulog niya sa 3rd round ang isa pang Thai na si Petchorhae Kokietgym na nagsilbi namang Manila ring debut ng Ifugao boxer.

“Marami po ako nakita na mali sa laban na yun at gusto ko na maitama dito sa darating ko na laban,” ani Martin.

Nakalasap man ng walong talo si Wannawong sa kaniyang 17–fight pro career, hindi pa din matatawaran ang lakas ng Bangkok-born boxer na naka-iskor ng walong knockouts sa siyam na panalo.

“Hindi pwedeng maliitin yung Thai at dapat ko isipin na naghahanda siya para talunin ako kaya ganoon na din lang ang paghahanda na ginawa ko sa gym,” dagdag ni Martin.

Magbabalik-aksyon din sa nasabing card si former world lightflyweight champion Randy Petalcorin kaharap si Worawatchai Boonjan ng Thailand.

Kasama din ang dalawa pang unbeaten flyweight prospects na sina Dave Apolinario at Jayson Mama na makakasagupa ang dalawang tigasin na challengers.

Magsisimula ang mga laban alas-12 ng tanghali at mapapanood ang buong card ng live sa ESPN5 at Youtube live streaming.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending