SUGATAN ang apat na police trainee nang mabundol ng kotse habang nagda-jogging sa Baguio City, Huwebes ng umaga.
Dinala sa ospital ang mga trainee na si Bret Tindunga, Chicky Faith Tennay, Chrisanto Lasbacan, at Christian Pumay-o para malunsan, ani Lt. Col. Carolina Lacuata, tagapagsalita ng Cordillera regional police.
Naganap ang insidente sa Amistad Road, Camp 7, dakong alas-4:45.
Ang mga trainee ay nabundol ng Honda Jazz (ALA-5161) na pagmamay-ari at minaneho ni Janssen Nunag.
Tumakas si Nunag matapos ang insidente, ngunit makaraan ang isang oras ay sumuko sa Baguio City Police Station 8, ani Lacuata.
Nilapatan ng lunas sa Baguio General Hospital ang mga sugatan, habang nagsasagawa ng karagdagang imbestigasyon ang traffic police.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.