PANSAMANTALANG naantala ang botohan sa ilang bahagi ng Leyte, Southern Leyte, at Biliran, nang magloko ang ilang vote counting machine (VCM).
Unang nag-“malfunction” ang dalawang unit ng VCM sa presinto ng Brgys. Hilaan at Buenavista, bayan ng Bontoc, Southern Leyte, dakong alas-11 ng umaga, ayon sa pulisya.
Pinalitan ni election officer Laurence Irman Gelsano ang mga naturang makina.
Dakong alas-12, mga 3 VCM naman ang nagloko sa Brgys. Capilian, Balocawehay, at Buaya ng Abuyog, Leyte.
Nagloko din ang isang VCM sa Brgy. San Antonio, Alang-Alang; isa sa Brgy. Cambalading, Albuera; at dalawa sa Brgys. Masaba at Cansoso, bayan ng Matag-ob.
Nakipag-ugnayan na ang mga election inspector sa Comelec para palitan ang VCMs.
Sa Inasuyan Elementary School ng Kawayan, Biliran, halos kalahating oras naantala ang botohan dahil ni-reject ng VCM ang mga balota, ayon sa pulisya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.