Nadine ayaw nang mag-inarte, handa na raw sumigaw ng ‘Darnaaaa!’

NADINE LUSTRE

HANDA nang sumigaw ng “Darnaaa!” si Nadine Lustre.

Kung noong unang beses na tinanong ang girlfriend ni James Reid kung payag ba siyang pumalit kay Liza Soberano sa bagong movie version ng “Darna” medyo nagdadalawang-isip pa siya, pero ngayon ay iba na ang sagot ng dalaga.

Isa si Nadine sa mga young female celebrities na pasok sa listahan ng mga netizens na pak na pak daw na lumipad bilang Darna, ang iconic Pinay superhero sa history ng komiks, telebisyon at pelikula.

Sa isang event, tinanong uli si Nadine kung game na siyang lunukin ang mahiwagang bato ni Narda,

“Yeah, I’m open. Kasi it’s nice, it’s a good opportunity, it’s a good project, so who’s not open for it?”

“I mean, if it’s meant for me, sa akin po ibibigay. But like what I’ve said before, I know that the project is going to be given to someone who can give justice to the role.

“It does not have to be me, as long as mabigyan ng justice. I know naman that everyone is going to pick the right one,” chika pa ng dalaga.

Wala rin daw issue kay Nadine kung third choice na siya sa project na unang inalok kay Angel Locsin at sinundan ni Liza Soberano na parehong nag-back out due to health reasons.

“I don’t think it’s bad to be a third choice. I mean, you know, puwede rin namang it’s not the right time or it’s not the right project for them, so I don’t think it matters,” paliwanag ni Nadine.

Kamakailan, mismong ang original director ng “Darna” na si Erik Matti ang nagsabing perfect din si Nadine na mag-Darna.

“After Liza, I only see Nadine Lustre so far as someone who can be Darna. Very sultry. She has a lot of female sensuality and at the same time still looks tough and very Filipina,” ani Direk Erik.