Heart game na game sa TBATS hot seat; zumba instructor nabiktima ni Sanya   

VACATION mode na ang maraming Pinoy ngayon dahil Semana Santa na simula bukas, pero bago magkalimutan, tutok muna sa isa na namang pampa-good vibes episode ng The Boobay and Tekla Show.

Abangan ang “Feeling the Blank,” kasama ang Kapuso Sweetheart na si Heart Evangelista. Uupo sa TBATS hotseat any aktres para sagutin ang naughtiest and most intriguing questions nina Boobay at Tekla tulad ng: “Ano ang gagawin mo kung bigla na lang umapir sa stage ng TBATS ang taong nakagalit mo?”

Kung fan kayo ng mga reunion stories sa KMJS at ng pelikulang “Bird Box,” siguradong maloloka kayo sa sariling version nito ng TBATS. Gaganap sina Boobay at Tekla bilang Boy and Girl na naghahanap sa kanilang inang si Mrs. Sandra Bulac na gagampanan naman ni Ai Ai delas Alas. Ano kaya ang magiging resulta ng DNA test?

May live-wire performance pa ang Comedy Concert Queen kasama ang Ex Battalion.

“Pranking in Tandem” goes sizzling hot as sexy Sanya Lopez leads a group of zumba enthusiasts in pranking a zumba instructor. At para naman sa special edition ng “Dear Boobay & Tekla”, makakasama nila ang  Queen of Mashup na si Ate Gay.

For the summer edition of our man on the street segment, Boobay and Tekla will visit a resort full of vacationers to ask the question, “Anong parte ng iyong katawan ang umiitim kahit hindi naaarawan?”

Lahat yan at iba pang nakakabaliw na paandar ay mapapanood ngayong gabi sa The Boobay and Tekla Show after Kapuso Mo Jessica Soho.