JaDine mas pinili ang tahimik na selebrasyon kesa lasingan sa bar | Bandera

JaDine mas pinili ang tahimik na selebrasyon kesa lasingan sa bar

Ervin Santiago |February 13,2019
facebook
share this

JaDine mas pinili ang tahimik na selebrasyon kesa lasingan sa bar

Ervin Santiago - February 13, 2019 - 12:01 AM


BINASAG nina James Reid at Nadine Lustre ang mga bashers na nagsasabing matagal na silang hiwalay dahil wala na silang ipino-post na litrato together sa social media.

Kahapon, nag-post ang magdyowa ng mga litrato at video sa Instagram na kuha sa isang private resort kung saan sila nag-celebrate ng kanilang third anniversary as a couple last Feb. 11.

Sa ilang comments ng mga JaDine fans sa kanilang IG post, nasa The Farm sa San Benito, Lipa, Batangas daw ang magkasintahan para masolo ang isa’t isa sa kanilang anibersaryo.

Maraming nature lovers ang nagpupunta sa The Farm para sa holistic healing at marami ang pumuri kina James at Nadine dahil mas pinili nila ang simple at tahimik na selebrasyon kesa magpakalasing sa bar.

Pinusuan ng libu-libong followers nina James at Nadine ang mga litrato nila habang naliligo sa pool na may flower petals, kumakain ng healthy dishes at pagpapahinga.

Sa isang photo naman na ipinost ni Nadine sa IG ito ang kanyang caption: “Ilyssm (I love you so, so much) @james (heart emojis).”

Sa litrato naman na ipinost ni James na kuha sa isang man-made falls ito naman ang kanyang simpleng caption: “HEALING (heart emoji).”

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending