Maine, Alden naki-join na rin sa paandar ng ‘Kara Mia’; pinusuan ng Aldub Nation
NAKISABAY na rin ang Phenomenal loveteam nina Maine Mendoza at Alden Richards sa Kara Mia craze – ang pinag-uusapang upcoming primetime series ng GMA tungkol sa kambal na may dalawang mukha pero iisa ang katawan.
Gaganap na twins sa nasabing Kapuso series sina Barbie Forteza at Mika dela Cruz kasama sina Jak Roberto at Paul Salas.
Sa tweet photo ni Meng na kuha sa isang standee ng Kara Mia, si Mika ang kanyang ka-back to back habang si Alden naman ay mukha ni Barbie ang katalikuran.
Sa lobby kasi ng GMA, naglagay ng standee nina Barbie at Mika ang Kara Mia production kaya yung ilang artistang napapasyal doob ay talagang nagpapa-picture rin!
Kung nakiuso rin sina Alden at Meng sa kakaibang konsepto ng Kara Mia, ibig sabihin, talagang marami na ang naiintriga sa kuwento ng Kara Mia na malapit n’yo nang mapanood sa GMA Telebabad.
Kasama rin dito sina Carmina Villaroel, John Estrada at marami pang iba, sa direksyon ni Dominic Zapata.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.