Teaser, poster ng reunion series nina Lee Dong Wook at Yoo In Na bumandera na
ISINAPUBLIKO na kamakailan ang trailer at poster ng reunion drama ng dalawang bida ng blockbuster fantasy series na Goblin – sina Lee Dong Wook at Yoo In Na, ang Touch Your Heart.
Tiyak na lalong aabangan ang Touch Your Heart ng mga K-drama addict matapos na mapanood ang patikim na teaser ng sikat na Korean loveteam na minahal ng mga Filipino viewers sa Goblin na pinagbidahan ng Korean superstar na si Gong Yoo.
Matatandaang gumanap si Dong Wook bilang Reaper sa Goblin at bilang Sunny naman si In Na. Ang Touch Your Heart ay tungkol sa love story ng top actress na si Oh Yoon Seo at ang perfectionist na abogado na si Kwon Jung Rok.
Makikita sa poster na nakangiting magkaharap sina Dong Wook at In Na na talagang ikinakilig ng kanilang mga fans.
Huling napanood si Dong Wook sa medical drama na Life nitong 2018, samantalang ang Goblin naman ang pinakahuling serye ni In Na.
Mapapanood na ang Touch Your Heart after Encounter starring Korean superstars na sina Song Hye Kyo at Park Go Gum.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.