Rainbow’s Sunset Best Picture sa 2018 MMFF; Dennis Trillo, Gloria Romero waging Best Actor, Best Actress

ITINANGHAL na Best Actor si Dennis Trillo (One Great Love) habang Best Actress naman si Gloria Romero (Rainbow’s Sunset) sa ginanap na Gabi ng Parangal ng 2018 Metro Manila Film Festival kagabi sa The Theater At Solaire.

Ang LGBT film na “Rainbow’s Sunset” na pinagbibidahan nina Ms. Gloria at Eddie Garcia ang nanalong Best Picture sa 44th edition ng taunang filmfest. Wagi rin si Joel Lamangan bilang Best Director para sa nasabing pelikula.

Kasabay nito nanawagan din ang direktor sa lahat ng mga theater owners, “Sana naman, huwag lang komersyo ang kanilang isipin. Irespeto rin sana ng mga sinehan ang sining at industriya.”

Agaw-eksena naman ang baguhang child star na si Phoebe Villamor nang umiyak matapos tawagin ang kanyang pangalan bilang Best Child Performer para sa pelikulang “Aurora.” Sinundan pa ito ng malakas na tawanan mula sa audience nang banggitin niya ang pangalan ni Vic Sotto sa kanyang thank you  speech sa halip na Vic Del Rosario ng Viva Films.

Ang walong official entries sa 2018 MMFF ay ang mga sumusunod: Aurora; Fantastica; Jack Em Popoy: The PulisCredibles; Mary, Marry Me; One Great Love; The Girl in the Orange Dress; Rainbow’s Sunset at Otlum. Mapapanood ang mga ito hanggang Jan. 7, 2019.

Narito ang listahan ng kumpletong winners sa MMFF 2018.

Best Picture – Rainbow’s Sunset

2nd Best Picture – Aurora

3rd Best Picture – One Great Love

Best Actress – Gloria Romero (Rainbow’s Sunset)

Best Actor – Dennis Trillo (One Great Love)

Best Supporting Actress – Aiko Melendez (Rainbow’s Sunset)

Best Supporting Actor – Tony Mabesa (Rainbow’s Sunset)

FPJ Memorial Award – Jack Em Popoy: The PulisCredibles

Gat Puno J. Villegas Cultural Award – Rainbow’s Sunset

Special Jury Prize – Eddie Garcia (Rainbow’s Sunset)

Jury Prize – Max Collins (Rainbow’s Sunset)

Best Director – Joel Lamangan (Rainbow’s Sunset)

Best Child Performer – Phoebe Villamor (Aurora)

Best Cinematography – Aurora

Best Visual Effects – Aurora

Best Production Design – Rainbow’s Sunset

Best Sound Design – Aurora

Best Musical Score – One Great Love

Best Original Theme Song – “Sa ‘yo Na” (Rainbow’s Sunset)

Best Editing – Jack Em Popoy: The PulisCredibles

Best Screenplay – Rainbow’s Sunset

MMFF Student Best Short Film – Kasilyas (Bulacan State University)

Best Float – Jack Em Popoy: The PulisCredibles

Male and Female Lucky Star of the Night – Jericho Rosales and Anne Curtis