Medialdea iginiit na ‘kidnapping’ ang pagkakaaresto kay Duterte
IGINIIT ng dating Executive Secretary Salvador Medialdea sa International Criminal Court (ICC) na “pure and simple kidnapping” umano ang ginawa sa dating pangulo na si Rodrigo Duterte matapos itong arestuhin noong Martes, March 11.
Matatandaang nanatili muna ang dating pangulo sa Villamor Air Base bago ito pasakayin sa isang private aircraft papunta sa The Hague, Netherlands.
Si Medialdea ang legal counsel ni Duterte sa pre-trial hearing nito sa ICC noong Biyernes, March 14.
Inilahad niya sa kanyang naging manifesto sa loob ng courtroom ang mga pangyayari nang arestuhin si Duterte at ihatid patungong Netherlands.
Baka Bet Mo: Pagharap ni Duterte sa ICC pinanuod ng pamilya ng EJK victims
View this post on Instagram
“Two days ago, the whole world witnessed the degrading fashion in which a former president of a sovereign country was bundled into a private aircraft and summarily transported to The Hague,” saad ni Medialdea.
Pagpapatuloy niya, “To us, lawyers, this would be called an extrajudicial rendition. To the less legally inclined, it was a pure and simple kidnapping.”
Hindi rin daw nabigyan ng access sa “legal recourse” si Duterte at tinawag niya itong “political score settling.”
Sey ni Medialdea, “Two troubled entities struck an unlikely alliance: An incumbent president who wished to neutralize and choke the legacy of my client and his daughter, on the other hand, and a troubled legal institution subject to delegitimization and desperate for a price cut and a legal show today, on the other hand.
“With this in mind, it is not surprising that my client was abducted from his country.”
Natalakay rin ni Medialdea ang kalusugan ni Duterte at ang kakulangan ng oras para i-discuss ang kanyang legal issues.
Sinabi naman ng ICC Presiding Judge Iulia Antoanella Motoc na ayon sa opinyon ng doktor ng korte, “fully mentally aware and fit” naman si Duterte.
Pinayagan rin ang dating pangulo na um-attend sa pre-trial hearing sa pamamagitan video link dahil mahaba ang naging biyahe nito mula Pilipinas patungong The Hague.
Magaganap naman sa September 23, 2025 ang confirmation of charges hearing ng dating pangulo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.