Jessy tinuruan ni Luis kung paano labanan ang mga basher
JESSY MENDIOLA AT LUIS MANZANO
Wala naman sigurong masamang hangarin si Jessy Mendiola nang sagutin niya ang lumang isyu nila ni Enrique Gil matapos niyang aminin na doon nagsimula ang kanyang depresyon.
Very positive naman ang tinuran ni Jessy mula sa naturang insidente lalo pa’t ayon sa kanya, doon din nagsimula ang magandang relasyon nila ni Luis Manzano.
Hindi lang marahil naiwasan ni Jessy na balikan ang pangyayari dahil ang pagbangon umano niya mula sa mga negatibong naihatid sa kanya ng pangyayari ang “bumuo” sa kanyang pagkatao ngayon, at kasama nga riyan si Luis.
Sey nga ng isang kaibigan sa media, “Kailan ba ang best time na magkuwento o pag-usapan ang mga ganitong hindi napag-uusapang isyu kundi ngayon?” Ang tinutukoy ng aming kausap ay ang pagbabalik ni Jessy sa trabaho via the 2018 MMFF entry na ” The Girl In The Orange Dress.”
Gustuhin mang umiwas ng aktres, mauungkat at mauungkat pa rin ito pero malaya nang nasasabi ni Jessy na okay na okay na siya ngayon with her boyfriend around. “Yun ang naging magandang resulta ng isang hindi magandang pangyayari.”
Kaya kung sa ngayon ay kinukuyog muli si Jessy sa social media lalo na ng mga supporter ni Enrique, siguradong kayang-kaya na niyang harapin at labanan yan na isa sa mga naituro sa kanya ni Luis.
Malalaman naman natin kung may epekto ba ang kanegahang iyan sa Dec. 25 kapag nag-showing na ang “The Girl In The Orange Dress” from Quantum Films kung saan makakatambal niya si Jericho Ro-sales.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.