US concert nina Ogie at Regine nakansela: Humihiling po kami ng inyong pang-unawa
REGINE VELASQUEZ AT OGIE ALCASID
NAPURNADA ang naka-schedule na concert ni Regine Velasquez kasama si Ogie Alcasid sa Chumash Casino Resort nitong weekend.
Ipinost ni Songbird ang announcement sa social media account ng casino na “unforeseen circumstances” ang rason kaya ito kinansela.
Reaksyon ni Regs sa post ng casino, “Nalulungkot po akong ibalita na hindi na matutuloy ang concert namin sa Chumash. Humihiling po kami ng pang-unawa sa mga taong bumili ng tickets at nagplano ng kanilang araw para mapanood ang R3.0.
“Pero sana po ay makasama pa rin kayo pag natuloy na ang concert. Maraming salamat po sa inyong pang-unawa.”
Maging si Sharon Cuneta ay nalungkot sa pangyayari. Ipinabatid niya sa kanyang tweet na wala sa control nina Regine at Ogie ang insidente.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.