Tuloy ang bakbakan sa part 2 ng ‘Da Va-Clash’ sa Sarap Diva

TULUY-TULOY pa rin ang kasiyahan at nakakalokang kuwentuhan at asaran sa second part ng favorite tambayan n’yo tuwing Sabado ng umaga, ang Sarap Diva sa GMA 7.

Last week, apat na Va-Clashers ang naglaban-laban sa Sarap Diva’s “Da Va-Clash: Isang Beki, Laban sa Lahat” – Adelantada versus Kimby Dora at Tammy Brown versus Pekta.

Pasok na si Adelantada sa second round kaya alamin ngayong Sabado ng umaga kung sino ang kanyang makakalaban sa next round – ang kabogerang si Tammy Brown nga ba o ang palabang si Pekta?

Sino nga ba sa kanya ang tatanghaling Top of the Va-Clash sa pinakabagong singing competition sa Sarap Diva, ang Da Va-Clash.

Join the fun and laughter this Saturday kasama pa rin ang nag-iisang Asia’s Songbird Regine Velasquez and her wacky house assistant Terry Gian, kasama pa ang mga judges ng pinag-uusapang reality singing search sa GMA na The Clash – sina Christian Bautista at Ai Ai delas
Alas.

Napapanood pa rin ang Sarap Diva tuwing Sabado bago mag-Eat Bulaga sa GMA 7 lang.