Isa wagi ng P31.8M

Leifbilly Begas - Bandera June 28, 2018 - 04:08 PM

ISANG mananaya ang nanalo ng P31.8 milyong jackpot prize ng Lotto 6/42. Ayon sa Philippine Charity Sweepstakes Office isa lang ang tumaya sa winning number combination na 27-15-07-39-26-19 sa bola noong Martes ng gabi. Ang nanalo ay mayroong isang taon para kunin ang kanyang premyo sa main office ng PCSO sa Mandaluyong. Samantala nanalo naman ng tig-P16,550 ang 47 mananaya na nakakuha ng limang lumabas na numero. Tig-P360 naman ang tinamaan ng 1,721 mananaya na nakaapat na numero. Balik ang P20 taya ng 11,485 mananaya na nakatatlong numero. Ang 6/42 ay binobola tuwing Martes, Huwebes at Sabado.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.