SUGATAN ang 24-anyos na lalaki na sinaksak nang kanyang live-in partner, isang 65-anyos na lola, kahapon sa Novaliches, Quezon City.
Ayon sa pulisya, nadilim ang paningin ng suspek nang makitang may kasamang ibang babae ang kanyang boyfriend sa loob ng kanilang silid sa Brgy. Sta. Monica.
Ayon sa matanda, harap-harapan siyang binastos ng kanyang boyfriend na sa mismong bahay pa nila gumawa ng milagro.
Ayon sa ulat, nagulat ang matanda nang makita ng nagtatalik ang boyfriend niya at kapitbahay na babae.
Kumuha umano siya ng screwdriver at dinaluhong ang dalawa bago sinaksak ang lalaki.
Napag-alaman na tinangka pang pag-ayusin sa barangay ang dalawa pero nagpasya ang mga ito na maghiwalay na lang.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.