Isang mananaya sa Cebu City ang nanalo ng P28.2 milyong jackpot prize ng Lotto 6/42 sa bola Huwebes ng gabi.
Ang nanalo ay tumaya sa Mabolo, Cebu City, ayon kay Alexander Balutan, general manager ng Philippine Charity Sweepstakes Office.
Tumaya ng P120 o anim na six-number combination ang nanalo. Siya ang pumili ng mga numerong tinayaan.
Isa lang ang nakakuha ng winning number combination na 05-36-01-04-27-41. Umabot sa P14.9 milyon ang halaga ng itinaya sa naturang bola.
Nanalo naman ng tig-P25,000 ang 16 mananaya na nakakuha ng limang numero.
Tig-P770 naman ang napanalunan ng 769 mananaya na nakakuha ng apat na numero. Balik naman ang P20 taya ng 16,201 mananaya na nakakuha ng tatlong numero.
Ang 6/42 ay binobola tuwing Martes, Huwebes at Sabado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.