‘Papunta pa lang si Maine Mendoza pauwi na si Vice Ganda!’
VICE GANDA AT MAINE MENDOZA
NAGTATALU-TALO ngayon ang mga tagasuporta nina Vice Ganda at Maine Mendoza, kinabog kasi ng komedyante ang views ng guesting ni Aling Menggay sa Facebook ni Kris Aquino, hindi nga basta kinabog kundi nilampaso pa nga.
Isang patotoo ‘yun na kalat ang mga tagasuporta ni Vice Ganda, hindi sila nanggagaling sa isang grupo lang, kaya milyon agad ang inabot ng bilang ng mga tumutok sa kanilang interbyuhan ni Tetay.
Sa totoo lang ay hindi naman talaga kasi kailangang pagkumparahin ang laki ng tagasuporta ni Vice Ganda kay Maine, walang comparison kung tutuusin, papunta pa lang ang ka-loveteam ni Alden Richards pero pauwi na ang magaling na komedyante.
Nagkaroon nu’n ng pagkakataong nakuha ng Eat Bulaga ang korona ng rating, pero muling sumipa ang It’s Showtime, ngayon ay sila na naman ang nangunguna sa labanan sa tanghali.
Huwag nang ipagpilitan pa ang kanilang idolo, ramdam naman ng buong bayan na palipas na ang panahon ng kanilang ipinaglalabang personalidad, weder-weder lang talaga ‘yan.
Gising na dapat sila sa katotohanan, mahirap gisingin ang nagtutulug-tulugan, kopya?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.