PARA naman sa mga adik na adik sa GMA Telebabad series na Alyas Robin Hood ni Dingdong Dantes, narito ang kailangan n’yong abangan tonight.
Dadalaw si Julian (Dave Bornea) kina Lizzy (Lindsay de Vera). Mahuhuli sila ni Judy (Jaclyn Jose). Aamin na ang dalawa na sila na.
Darating sina Victoria at Sarri (Megan Young) sa resort. Nang magpahangin ang dalaga, makakabangga niya si Pepe (Dingdong).
Yayakapin ni Sarri si Pepe, gaganti rin ng yakap ang huli pero matatauhan ito at magkukunwaring hindi kilala si Sarri. Sasabihin pa nitong style ito ng babae. Makikita ni Pepe si Dean (Sid Lucero) na papalapit sa kanila kaya lalayo na ito. Kakabahan si Dean, panay usisa kay Pepe.
Sasabihin ni Sarri na nagpakilala ang lalaki na si Cris. Ipapaayos nina Venus (Andrea Torres) at Pepe kay Jekjek (Gio Alvarez) ang profile niya sa social media. Saktong titingnan naman ito nina Sarri at Dean.
Pagagalitan ni Judy sina Julian at Lizzy pero sasabihin ni Lizzy na nagmamahalan silang dalawa gaya ng pagmamahalan nina Judy at Jose. Wala na lang masasabi si Judy lalo na nang hilingin ni Lizzy na tulungan siya nitong magsabi kay Caloy (Gary Estrada).
Dumidiskarte naman si Leandro (PJ Abellana) sa Matanghari Member para makapasok siya sa samahan. Makikita siya ni Maggie (Cherie Gil) na mag-aalok ng tulong.
Sa sobrang panlulumo ni Sarri, iinom siya. Makikita siya ni Pepe na nagkukunwaring si Cris pa rin.
Isasayaw ng lalaki si Sarri. Nang matapos ang kanta, lolokohin ni Pepe si Sarri na mag-move on na raw ito sa ex niya dahil baka magselos ang boyfriend nito. Sasampalin ni Sarri si Pepe sa inis. Lalayasan ni Sarri si Pepe. Nang lingunin niya ito, makikita niya ang pamlulumo ng lalaki. Kukutuban si Sarri na si Pepe nga ito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.