Perlas Pilipinas winalis ang SEABA Women’s
KAHIT matalo pa ang Perlas Pilipinas sa huli nitong laban kontra Thailand Linggo ng gabi ay sigurado na itong magka-kampeon sa SEABA Women’s Championship.
Gayunman, tinapos pa rin ng mga Pinay ang torneyo na walang talo matapos na manaig sa Thailand, 72-52, sa Bukit Serendit Indoor Stadium, Malacca, Malaysia.
Lumamang ang Thailand sa pagtatapos ng unang quarter, 16-13, pero sinagot ito ng 12-2 rally ng mga Pinay sa pangunguna ni Afril Bernardino.
Mula rito ay hindi na lumingon pa ang Perlas Pilipinas na naghulog pa ng 17-3 bomba para makuha ang 57-40 bentahe sa third period.
Nanguna para sa Perlas Pilipinas si Allana Lim na may 15 puntos at apat na rebounds habang si Bernardino naman ay nag-ambag ng double-double output na 14 points at 11 boards.
“We haven’t beaten Thailand for a long time. I think it’s one way of motivating them and ending the tournament on a winning note,” sabi ni head coach Patrick Aquino.
Ito ang unang gintong medalya ng Pilipinas sa SEABA women’s matapos na manaig ang bansa noong 2010. —Angelito Oredo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.