Lea sa naarestong kapatid dahil sa droga: Kung guilty siya, kailangan panagutan niya!

LEA SALONGA

SINIGURO ni Lea Salonga na hindi sila makikialam sa kaso ng kanyang half-brother na si Philip Salonga matapos itong maaresto sa isang anti-drug operation kamakailan sa isang bar sa Ortigas, Pasig City.

Nakumpiska diumano sa suspek at sa dalawa pa nitong kasamahan ang 80 piraso ng party drugs at tatlong plastic ng dried marijuana, na nagkakahalaga diumano ng P120,000.

Ayon sa ulat na pulisya, si Philip diumano ang distributor ng mga party drugs sa ilang lugar sa Metro Manila.

Agad namang kinumpirma ni Lea na kapatid nga niya ang suspek sa ama. Sa pamamagitan ng isang official statement na ipinadala ng international singer sa ABS-CBN, sinabi nitong hindi makikialam ang kanilang pamilya sa isasagawang imbestigasyon laban kay Philip.

Narito ang kabuuan ng pahayag ni Lea, “Philip is my half-brother (same father, but we have different mothers.)

“In light of this recent arrest as reported in the news today, allow me to say that our family will not in any way hamper the investigation of the police in this matter.

“As with all individuals arrested under similar charges, we call only for due process and a fair trial.

“If he is absolutely guilty of all the charges against him, he needs to take responsibility for his actions.”