Foton Pilipinas nadiskaril ng Thongtin Lien Viet Post Bank-Vietnam
NAUBUSAN ng kinakailangang lakas ang Foton Pilipinas sa matira-matibay na ikalimang set upang malasap ang una nitong kabiguan kontra title contender Thongtin Lien Viet Post Bank ng Vietnam, 18-25, 25-19, 25-20, 12-25, 8-15, sa 2016 AVC Asian Women’s Club Championship kahapon sa Alonte Sports Arena sa Biñan City, Laguna.
Ipinamalas ng Thongtin Lien Viet Post Bank Vietnam ang matinding depensa sa ikaapat na set para itabla ang laban sa tig-dalawang set bago ipagpatuloy pa ito sa ikalimang set upang agawin sa host na Foton Pilipinas ang liderato sa Pool A.
Bitbit ng Vietnam ang 1-0 panalo-talong karta habang nahulog ang Foton Pilipinas sa 1-1 rekord.
Unang tinalo ng Foton Pilipinas ang Kwai Tsing ng Hong Kong, 25-20, 25-14, 25-10, sa una nitong laro noong Sabado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.