Ex-dyowa ni James nagmakaawa sa Jadine fans: Please stop the hate! Respeto lang!

ERICKA VILLONGCO, JAMES REID AT NADINE LUSTRE

HALOS magmakaawa na ang ex-girlfriend ni James Reid na si Ericka Villongco sa mga JaDine fans para tigilan na ang pamba-bash sa kanya sa pamamagitan ng social media.

Sa kanyang Instagram account, nag-post ng mensahe si Ericka na isa ring aspiring actress, para maiparating sa fans nina James at Nadine Lustre ang kanyang saloobin. Ipinagdiinan niya na ang mga ipinopost niya sa kanyang Instagram ay walang kinalaman kina James at Nadine.

“Please, stop the hate. Ang pinagdadasal ko lang po, after a total of 6 years never ako nagalit/nagsalita. All I ask is that equal amount of respect I give to both James and Nadine because I genuinely wish them nothing but happiness,” pakiusap nito.

Pagpapatuloy pa nito, “Pls Jadines, can’t I live my life in joy and peace as well?” Itinag pa niya ang kanyang IG post sa account ni Nadine.

Ito na rin daw ang huling pagkakataon na magsasalita ang ex-dyowa ni James tungkol sa pamba-bash sa kanya ng JaDine supporters, “Made a public statement. First and last time because all you haters don’t deserve my time. #Spreadlove.”

Speaking of James and Nadine, sa isang panayam sinabi ng dalawa na mas excited at mas inspired silang magtrabaho ngayon ar laging looking forward sa mga bonding moments nila sa shooting.

Kasalukuyang tinatapos ng magdyowa ang kanilang pelikulang “This Time” under Viva Films na malapit nang mapanood ng kanilang mga tagahanga.

Pag-amin nga ni Nadine, “Masarap bumangon sa umaga because, uy, magkikita kami, magtatrabaho kami, ganyan. Mas masaya because gusto mo nga ‘yung trabaho mo, and then, magkikita pa kayo, di ba?

Parang kumpletong-kumpleto ang araw mo.”

Hirit naman ni James, “It’s different now because I look forward to going to work especially if you really go to taping days, really long hours, no sleep but I was actually excited to go to work because she can be there and I was sad on days that we have different schedules.”

In fairness, botong-boto ang madlang pipol sa dalawa at kahit nga kaka-celebrate pa lang nila ng kanilang first month anniversary noong March 11, halos lahat ay nagsasabing gusto nilang mauwi sa kasalan ang relasyon ng dalawa at magkaroon din ng “forever”.

Nang tanungin naman si James kung feeling ba niya ay pang-forever na ang relasyon nila ni Nadine, ito ang kanyang naging tugon, “When people say forever, it’s when you’re in-love, it makes you feel like forever because you feel romantic. The idea that you can be like this forever, you could feel like this forever is so romantic. So that’s why I used the word ‘forever’”.