2024 ni Rhian Ramos busog-lusog; may 8 project na agad ngayong 2025
Rhian Ramos
HANDANG-HANDA na ang Kapuso actress na si Rhian Ramos para sa mga bagong challenges at adventures na kanyang haharapin ngayong 2025.
Napakaraming nangyari sa personal life at showbiz career ni Rhian nitong nagdaang taon na inilarawan pa nga niya bilang “rewarding” at “awarding”.
Sa kanyang Instagram page, napa-throwback ang aktres sa mga mahahalagang kaganapan sa kanyang career, partikular na sa mga acting projects at karakter na ginampanan niya last year.
“To the characters that have touched my soul and will hopefully touch yours. The wonderful and unique experiences I’ve had with my loved ones.
Baka Bet Mo: Kathryn handang-handa nang umibig, magkadyowa uli: Yes, kahapon pa!
“(Two) shows, (six) movies, a shoot in my birthday suit, an epic cosplay, countless batches of cookies, and even a marathon!
“It’s so exciting to know that no matter how many years go by, I can still have one full of firsts,” ang caption ni Rhian sa kanyang IG post.
View this post on Instagram
Bukod dito, excited ding ibinandera ng girlfriend ni Tutok To Win Partylist Rep. Sam Verzosa ang mga dapat abangan ng kanyang mga fans ngayong 2025, kabilang na ang kanyang role sa “Encantadia Chronicles: Sang’gre.”
Sa bagong yugto ng iconic telefantasya ng GMA, gagampanan ni Rhian ang karakter ng Ice Queen na si Mitena, ang isinumpang kakambal ni Cassiopea na siyang manggugulo sa mundo ng Encantadia.
Patuloy pang chika ni Rhian tungkol sa mga next projects niya this year, “So also, here’s to another non-stop year on its way! This 2025, watch out for: Meg and Ryan, Perfect Children, Sinagtala, Unconditional, I Fell, It’s Fine, Bās Bākes Chocolate Chip Cookies, Sang’gre: The Encantadia Chronicles.
“And who knows what else I’ll come up with pa,” ang pagbabahagi pa ni Rhian.
Ang iba pang makakasama ni Rhian sa “Sang’re” ay sina Rocco Nacino, Ruru Madrid, Glaiza De Castro, Kylie Padilla, Gabbi Garcia, at Sanya Lopez. Muli nilang bubuhayin ang mga ginampanan nilang role sa 2016 remake ng “Encantadia.”
Bibida rin dito sina Faith Da Silva, as Flamarra, Angel Guardian bilang si Deia, Kelvin Miranda bilang Adamus at Bianca Umali as Terra.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.