Kris sa pag-alis sa ABS-CBN: Lungkot na lungkot po ako!
Hindi pa man tuluyang nagbababu ang kanyang morning show s Dos, inaatake na ng sobrang kalungkutan si Kris Aquino. Eere next week ang finale episode ng Kris TV at inamin nga ng TV host na sad din siya sa kanyang naging decision na tapusin na ang programa para maka-concentrate sa kanyang personal life.
“At least ina-acknowledge ko sa inyong lahat na kung kayo po ay nalulungkot, lungkot na lungkot din po ako,” she admitted. Muling tumaas ang blood pressure ni Kris kaya naman nag-alala uli ang kanyang sister who immediately called her up to check if she was okay.
“Sabi niya, ‘I knew it. I knew you will be sad kasi ‘yung mga friends ko nga na fans na fans mo sad na sad na, what more na ikaw pa.’ Pero sabi niya, ‘Don’t worry about it. You are going to be healthy.
Malay mo kung maging super healthy ka ‘yan ang next career mo, health and wellness,'” kuwento ni Kris. But of course, excited din siya dahil magkakaroon na siya ng mas maraming panahon para kina Joshua and Bimby.
In fact, they’ve already made travel plans for their birthdays. Bimby will be turning 9 on April 19, while Josh is 21 na sa June 4. Aside from this, ibinalita rin ni Kris na very soon ay lilipat na sila sa bago nilang bahay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.