Flop ang appearance ng cast ng seryeng Faithfully sa ginanap na opening ng Puregold branch sa Subic noong Miyerkules na pina-ngunahan nina Maxene Magalona, Michelle Madrigal at Marc Abaya.
Base sa kuwento sa amin ng security officer sa Activity Center ng Harbor Point Subic, petiks lang daw ang lahat ng guard na itinalaga para mag-assist sa mga artista dahil wala naman daw masyadong tao silang hahawiin.
“Walang masyadong tao ngayon, hindi tulad noong kina Daniel (Padilla) at Coco (Martin), halos mabuwag ang buong mall, nagkasakit-sakit mga katawan namin,” sabi sa amin.
Iba pa rin daw ang presensiya nina Daniel at Coco na nag-show ng solo-solo dahil hindi kinaya ng sangkaterbang marshall at SWAT team ng Ayala group ang audience bukod pa sa hinarang pa ng ambulansiya at trak ng bumbero ang venue para pigilan ang mga taong nagkakagulo at gustong makalapit sa dalawang Kapamilya actor.
Halos wala pa raw isang libo ang mga taong dumating sa event nina Michelle, Marc at Maxene.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.