Nathalie Hart pinag-2-piece bikini, nag-tricycle, pinatakbo kahit buntis na; direktor nag-sorry
NATHALIE HART
Marami kaming naririnig na negatibong komento noon tungkol kay Nathalie Hart habang sinu-shoot ang pelikulang “Abay Babes” mula sa Viva Films na idinirek ni Don Cuaresma. Kesyo nagmamaldita raw ang aktres at madalas wala sa mood.
Iyon pala, buntis na siya noon na hindi niya ipinaalam sa mga katrabaho niya dahil ayaw niyang magkaroon ng special treatment o mabago ang pagtingin sa kanya dahil sa kanyang kundisyon.
Nabanggit pa ni Direk Don na pinagsusuot niya ng two-piece bikini si Nathalie pero ayaw pumayag, “Sabi niya, ‘direk ayaw ko muna sanang magpa-sexy’, iyon pala buntis na pero hindi niya sinasabi. Wala siyang sinabihan, si Cristine (Reyes) alam niya, hindi nag-share sa amin.”
Inakala pa ng “Abay Babes” direktor na may away na naman sina Nathalie at co-star niya sa movie na si Roxanne Barcelo kaya sinabihan niya ang huli ng, “Akala ko bati na kayo? Akala ko meron na naman kayong away.’”
Pagpapatuloy pang kuwento ni direk Don tungkol sa mga pinaggagawa ni Nathalie sa shooting, “Saka ‘yung ala-singko ng madaling-araw, tumatakbo pa siya. Hindi ko alam, I’m sorry, hindi ko alam. It’s on the script, wala akong magagawa.
“Propesyonal siya. Para hindi siya ma-late, nag-Grab siya. Tinanong ko sila (sa set), ‘Nasaan na si Nathalie?’ Naliligaw daw ‘yung Grab driver. Nu’ng sumunod na araw naman, naka-tricycle na dumating sa shooting,” kuwento ni direk Don.
Paliwanag naman ni Nathalie, “Yung time na nag-shoot kami, medyo mainit ang ulo ko talaga. Kung may na-offend man, sorry na lang, but ayoko rin na ibahin ‘yung trato nila sa akin.
“Gusto ko pare-pareho pa rin, kung ano ‘yung pumasok ako doon, ganoon pa rin ang dapat na itrato sa akin,” aniya sa presscon ng “Abay Babes”.
Naibahagi rin ng aktres na sa India niya gustong magpakasal samantalang ang fiancé naman niya ay type sa Australia.
“Gusto kong wedding with my family lang, tapos next year ‘yung big wedding. I wanted talaga to be wed in India kasi, may friends and for my family and everyone out there, gusto naman niya (future husband) sa Australia kasi he’s never been to Australia. So we’re still talking about it,” kuwento ng aktres.
Ngayong Disyembre raw mangyayari ang intimate wedding dahil sa Enero, 2019 na niya isisilang ang panganay nila ni Manyak Sharma.
Anyway, mapapanood na ang “Abay Babes” sa Set. 19 mula sa Viva Films.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.