Direk Joyce ginamitan ng ‘beauty light’ si Digong: Na-tense ako!
JOYCE BERNAL AT RODRIGO DUTERTE
UMABOT sa 19 camera ang ginamit ni Joyce Bernal sa pagdidirek ng ikatlong SONA ni PDuterte.
Inamin ng direktor na inatake rin siya ng kaba habang ginaganap ang SONA, “Nakaka-tense talaga. Si direk Brillante (Mendoza) ang mga insert niya lang, mga black and white. Kami naman po color at saka tiningnan talaga namin yung framing ni President na magaganda.”
Ang tinutukoy niyang framing ay, “Hindi yung framing ng mukha niya ha, yung mas magagandang interactions with the people.”
Nakatuwang niya sa coverage ang cinematographer na si Zech Sycip at gumamit din sila ng “beauty light” para sa speech ng Pangulo, “May beauty light tayo sa podium na wala pa yatang gumagawa nun. Tina-try naming soft light to make it beautiful.”
Balak din sanang gumamit ni Direk Joyce ng drone sa coverage ng SONA pero pinagbawal daw ito dahil na rin sa seguridad ng Pangulo sa loob ng venue.
In fairness, marami naman ang pumuri sa pagdidirek ni Bb. Joyce sa SONA at sana raw ay siya pa rin ang humawak sa mga susunod pang SONA ni Digong.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.