Osang ipinagtanggol si direk Cathy sa 2 ekstra

Ipinagtanggol ni Rossana Roces si direk Cathy Garcia Molina laban sa dalawang extra na nagreklamo sa ABS-CBN dahil sa panghihiya at pagmumura sa kanila noon sa taping ng Forevermore.

Ayon kay Osang ang pagi-ging “terror” na direktor ni Cathy ang siyang humubog sa kanya para mas ma-develop pa ang kanyang akting. Sinabi nito na hindi dapat maging sensitive sina Rossellyn Domingo at Alvin Campones bilang mga extra sa serye o pelikula.

“Kami man ay nakatikim din ng katakut-takot na panlalait at pagmumura bago kami talagang natuto at naging magaling. “Napakahirap maging direktor…sinubukan kong minsan katuwang ni Direk Buboy Neal Tan at di ko na sinubukang muli.

“Grabe ang stress, pressure at pagod. di ko kaya. May mga bagay pala talagang kinakaya ng sariling pag-iisip at lakas pero marami ring hindi. Hindi ko na muling binalikan ang pangarap na makapag direk.”