Roxas nasa likod ng reklamo vs PNoy favorite?

Kakampi umano ang tingin ng kampo ni Mar Roxas kay Technical Education and Skills Development Authority director general Joel Villanueva.
Ito ang sinabi ni Budget Secretary Florencio Abad matapos lumabas ang balita na ang kampo ni Roxas ang nasa likod ng pagsasampa ng Department of Justice ng reklamo laban kay Villanueva kaugnay ng pork barrel fund scam.
“I don’t think Sec. Roxas is going to do that with a close ally. Yes, he’s [counted] as an ally. I am not aware if he has appeared publicly for Sec. Roxas, but it is not in the character and nature of Sec. Roxas to be doing that [easing out],” ani Abad na dumalo sa pagdinig ng panukalang P3.002 trilyong budget para sa 2016.
Si Roxas ay inendorso ni Pangulong Aquino at napipisil na kandidato ng Liberal Party sa 2016 presidential elections.
Ayon ay Abad ‘special mention’ ni Aquino si Villanueva kaya malinaw na kaalyado umano ang tingin nila rito.
Sinabi ni Abad nawala pang kaso na isinasampa kay Villanueva kundi pinaiimbestigahan pa lamang siya sa Ombudsman upang makita kung mayroong batayan ang alegasyon.
“The LP is colorblind as far as these cases are concerned. If you did wrong, then you will be subjected to an investigation, whoever you are. The policy is that we are blind to political colors concerning the anti-corruption programs of the government. As far as we are concerned, he [Villanueva] is concerned until proven otherwise,” ani Abad.
Ayon sa lumabas na balita, isang grupo na kilala umanong malapit kay Roxas ang nasa likod ng pagsasampa ng reklamo laban kay Villanueva.