Myrtle Sarrosa nakipaghiwalay na sa anak ni Grace Poe

ISANG bubbly at seksing-seksing Myrtle Sarrosa ang naabutan namin sa presscon ng launching ng Star Magic Angels, ang bagong grupo na magpapainit sa mga Kapamilya viewers.

Masayang-masaya ang dating PBB Teen Big Winner na nakasama siya sa bagong grupong ito kung saan makakasama niya ang iba pang Star Magic artists tulad ng dati ring PBB housemate na si Karen Reyes.

Dito bibigyan sila ng bagong image – sexy and naughty pero medyo wholesome pa rin. “Una, thankful talaga ako kasi nu’ng sinabi talaga sa akin na ’Uy, Myrtle ibi-build-up na kayo ah,’ ito na yung opportunity na inaantay ko kasi nu’ng PBB pa lang may mga projects na ko na naudlot tapos ito na yung parang comeback na right after ng PBB ko,” kwento ng dalaga na seksing-seksi sa kanyang outfit.

Si Myrtle ay kilala sa image na pa-cute dahil na rin sa hilig nya sa pagko-cosplay. Pero di na rin bago sa kanya ang pagpapa-sexy dahil nai-feature na rin siya bilang cover girl sa isang men’s magazine.

“Medyo pinapalihis na ko sa cosplay, pero sinabi ko talaga mahal ko ang cosplay so I will cosplay lang sa mga special event,” banggit ni Myrtle.

Nasabi rin niya na gusto na niyang i-level-up ang kanyang pagiging artist, “Kung dati pa-cute-cute characters ang kino-cosplay ko ngayun mas mature, mas sexy, mas may age.”

Gaano kaseksi ang kaya niyang gawin sa mga teleserye kung sakali? “Actually yung last ko na ginawa for Ipaglaban Mo.

Tapos the sexiest role na ginawa ko, it was the highest rating episode ng Ipaglaban Mo, kung saan isa akong student na na-in love sa teacher ko.

Du’n talaga ako na-challenge, it was my first time na may bed scene with Christian Vazquez.”
Sino ang pinaka-close niya sa Star Magic Angels? “Tatlo eh, si Karen, si Cheska at si Yana.

Pero yung pinakana-shock talaga ako kay Cheska. Kasi nag-click kami agad. Pero kami rin nila Karen at Yana laging nagde-date.”

Nai-inspire nga raw nila ang isa’t isa sa pagda-diet at pagwo-workout. Kailangan daw mas maging conscious na siya ngayon sa katawan niya dahil nga sa pagiging Star Magic Angels.

Samantala, kinumpirma rin ni Myrtle Sarrosa na hiwalay na sila ng anak ni Sen. Grace Poe na si Brian Poe Llamazares. Pero ayaw na niyang magdetalye pa tungkol sa nagging rason ng kanilang break-up.

Ayon sa dalaga, wala naman daw third party sa hiwalayan nila ni Bryan, pero aniya, “It’s a complicated story. I don’t want to delve into the details kasi mahal na mahal ko yung family niya.

“I respect him, and I respect his family. Kasi it came out of nowhere. For the entire year, we didn’t fight. It was only that day, it was only that day.

Kasi it’s funny na sobrang jive yung personality namin ’tapos bigla na lang one day, (naghiwalay),” sey pa ng dalaga.

Hindi naman daw pagrerebelde ang ginagawa niyang pagpapaseksi ngayon matapos silang mag-break, “Kasi naman nu’ng kami pa before, we were together for a year.

Siya naman talaga, sobrang supportive niya. Siya pa nga dati nag-push sa akin before na mag-workout.”
Dagdag pa niya, “This time, I am not doing it for anyone (pagpapaseksi), I am doing this for myself.

I am not doing this for him, he’s not the reason behind this. The reason why I am doing this is because I wanna show to people na you can be confident with your body.

Especially yung mga supporters ko from PBB pa na siyempre through the years, gusto ko din ipakita na, they too, can be comfortable and sexy with their body.”

Sinabi rin ng dalaga na naghiwalay sila ng maayos ni Bryan at wala silang samaan ng loob, “We’re both really good people na parang we loved each other too much, na parang na-realize namin na ’di talaga proper time.”

Dagdag pa ni Myrtle, “Parang eventually, na-realize na lang namin na we need to grow. Pero at the same time both of us, hindi namin matanggap, so we’d rather not talk to each other right now.”

Sa tanong kung posible pa ba silang magkabalikan, sa ngayon daw ay mukhang malabo itong mangyari.