3 sugatan matapos ang karambola ng mga sasakyan Aurora Boulevard
SUGATAN ang tatlo katao matapos magkarambola ang mga sasakyan sa Quezon City kahapon ng hapon, ayon sa Metro Manila Development Authority (MMDA).
Sinabi ngi Vincent Lizada, ng MMDA metrobase nangyari ang banggaan sa eastbound lane ng Aurora Boulevard sa kahabaan ng Katipunan ave.
Idinagdag ni Lazada na kasama sa mga nagbanggaan ang isang delivery truck, closed van, FX, at taxi.
Aniya, dinala ang dalawa sa mga nasugatang pasahero sa Marikina Medical Center, samantalang pumirma naman ng waiver ang isa pang sugatang pasahero matapos tumanggi nang magpadala sa pagamutan dahil galos lamang ang natamo nito.
Aniya, natanggal ang mga sasakyan ganap na alas-1:20 ng hapon.
Iniimbestigahan na ng mga pulis ang insidente.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.