Hindi naniniwala si John Prats na nagpagupit ng buhok ang kanyang ex-girlfriend na si Bianca Manalo dahil sa galit nito sa kanya o sa kanilang paghihiwalay.
Medyo maikli na nga ang hair ngayon ni Bianca at marami ang nagulat nang umapir nga siya sa harap ng camera with her new hairstyle.
At dahil nga rito, marami ang nagsabi na “pagrerebelde” raw ito ng aktres-beauty queen dahil sa naunsiyaming relasyon nila ni Pratty.
Pero ayon naman kay John, hindi naman daw siguro ‘yun dahil sa kanya, “Ang huling alam ko nung kami pa ni Bianx, plano niya talaga magpaiksi because of a hair endorsement na kailangan mahaba, tapos after a few months iiklian talaga.
Yun naman ang alam ko. Hindi ko naman inisip na ganu’n.”
May chika naman na plano raw ni John na balikan si Bianca, pero talagang pinipigil daw siya ng kanyang pamilya. Say ni Pratty wala naman daw balikang mangyayari, kasabay ng pakiusap na huwag nang idamay ang kanyang pamilya sa issue.
Umaasa rin siya na someday ay makikita rin niya ang babaeng para sa kanya, “Sa lahat ng relasyon na pinagdaanan ko, minsan dumating ako sa sobrang failure, down na down ako kasi I had so many relationships but it didn’t work.
“So I felt bad before.
Ang iniisip ko na lang ngayon hindi ko pa nakikilala yung para sa akin, yung talagang swak kami, walang hang ups, walang stress.
Mas masaya ako na ganito.
Kung dumating, okay, pero kung hindi, okay lang din,” sabi pa ni John sa interview sa kanya ng Push.com ng ABS.
Nag-eenjoy din daw ngayon sa kanyang personal life is Pratty at napapadalas din daw ang bonding nila ng kanyang pamilya, “Nae-enjoy ko yung maliliit na bagay like spending time with my family, magpicture with friends.
Sobra ko lang saya.
Ngayon ko lang na-enjoy yung pagiging single, nagagawa ko kung anong gusto kong gawin ng wala akong ibang iisipin kundi sarili kong schedule.”
Pahabol pa ng binata, “Ngayon wala akong dinedate.
Bukod kay Camille (Prats), kay Sam (Milby) na kaibigan ko talaga at sa aso ko, siguro na-e-enjoy ko ‘yung time sa sarili ko.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.