6/55 Grand Lotto jackpot papalo na sa P225 milyon
INAASAHANG aabot sa P225 milyon ang jackpot prize ng Grand Lotto 6/55 Miyerkules ng gabi. Ayon sa Philippine Charity Sweepstakes Office walang nanalo sa P212.5 milyong jackpot prize sa bola noong Lunes ng gabi kung saan lumabas ang mga numerong 28-20-52-06-40-45. Umabot sa P51.088 milyon ang halaga ng itinaya sa naturang bola. Ang jackpot prize at lumalaki depende sa halaga ng itinataya. Nanalo naman ng tig-P106,430 ang 24 mananaya na nakakuha ng limang numero. Tig-P1,570 naman ang 1,297 mananaya na nakakuha ng apat na numero at balik-taya (P20) ang 29,141 mananaya. Nagkakahalaga ng P20 ang taya sa bawat anim na numerong kumbinasyon. Binobola ang Grand Lotto tuwing Lunes, Miyerkules at Sabado. Kung tatamaan, babalik sa minimum na P30 milyon ang jackpot prize.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.