Korona ni Vice bilang Phenomenal Box-Office Star ng Pinas walang nakaagaw

WALANG nakaagaw sa korona ni Vice Ganda bilang Phenomenal Box-Office Star ng bansa. Ang Metro Manila Film Festival 2014 entry pa rin niyang “The Amazing Praybeyt Benjamin” ang pelikulang pinakatumabo sa takilya noong nakaraang taon.

Kumita ito ng P456.20 million sa nakaraang 40th MMFF. Kaya sa ginanap na deliberation noong Sabado para sa 46th Box Office Entertainment Awards ng Guillermo Mendoza Memorial Scholarship Foundation (GMMSF), napagdesisyunan na muling igawad ang Phenomenal Award kay Vice.

Samantala, sina Piolo Pascual at Toni Gonzaga naman ang itinanghal na GMMSF 2014 Box Office King and Queen para sa pelikulang “Starting Over Again” ng Star Cinema na kumita ng P410.89 million.

Ibinigay naman ng Guillermo Foundation kay John Lloyd Cruz ang Film Actor of the Year award habang Film Actress of the Year naman si Iza Calzado. Prince and Princess of Philippine Movies & TV ang rumored couple na sina Xian Lim at Kim Chiu.

Tinanghal naman na Breakthrough Box Office Indie Film ang “English Only Please” na kumita ng P 135 million at special recognitions para sa mga bida ng pelikula na sina Derek Ramsay at Jennylyn Mercado.

Ang All-Time Highest Grossing Horror Film ay ibinigay sa “Feng Shui 2” nina Kris Aquino at Coco Martin na kumita ng P235 million.

Igagawad naman kay Vic Sotto ang kauna-unahang Corazon Mendoza Samaniego Lifetime Achievement Award. Si Corazon Mendoza ang itinuturing na ina ng Guillermo Mendoza Memorial Scholarship Foundation na pumanaw na noong nakaraang taon.

Narito ang iba pang winners sa 46th Box-Office Entertainment Awards:
Most Promising Male Star of the Year – Andre Paras
Most Promising Female Star of the Year – Liza Soberano
Male Concert Performer of the Year – Gary Valenciano
Female Concert Performer of the Year – Regine Velasquez-Alcasid
Male Recording Artist of the Year – Gloc 9
Female Recording Artist of the Year – Sarah Geronimo
Promising Male Singer/ Performer – Darren Espanto
Promising Female Singer/ Performer – Maja Salvador
Most Popular Recording/Performing Group – Calla Lily
Most Promising Recording/Performing Group – Gimme 5
Most Popular Novelty Singer – Joey Ayala (“Papel”)
Most Popular Loveteam in Movies & TV – James Reid & Nadine Lustre
Most Promising Loveteam – Iñigo Pascual & Sofia Andres (Relax It’s Just Pag-ibig)
Top Rating Primetime Drama – Ikaw Lamang (ABS-CBN)
Top Rating Daytime Drama – Be Careful With My Heart (ABS-CBN)
Top Rating News and Public Affairs – Wish Ko Lang (GMA 7)
Top Reality Talent Search – The Voice Kids (ABS-CBN)
Top Rating Game Show – Celebrity Bluff (GMA 7)
Top Rating Noontime Musical/Variety Program – Eat Bulaga (GMA-7)
Most Popular Male Child Performer – Bimby Aquino Yap
Most Popular Female Child Performer – Ryzza Mae Dizon
Most Popular Film Producer – Star Cinema
Most Popular Screenwriter – Carmi Raymundo (Starting All Over Again)
Most Popular Film Director – Wenn Deramas (The Amazing Praybeyt Benjamin)
Gaganapin ang coronation and awards night sa June 14 sa Solaire Resorts & Casino.