Mega pabalik-balik ang trangkaso, epekto raw nang sobrang pagda-diet

Nagkakasakit na si Sharon Cuneta dahil sa pagda-diet. Ilang araw na palang hindi maganda ang pakiramdam ng Megastar. At mukhang hindi nga niya na-enjoy ang Mother’s day celebration dahil dito.

Sa kanyang Facebook account, sinabi ni Sharon na mula pa noong wedding anniversary trip nila sa Thailand ng asawang si Sec. Francis Pangilinan last month ay pabalik-balik na ang kanyang sakit.

“I spent 2-3 days of my anniversary trip to Thailand in bed, sleeping and coughing and feeling very ill. Till now, I have this cough that won’t go away and a flu I’ve been fighting off but getting binat from so often,” aniya, kasabay ng pagsasabing baka nga may koneksiyon ito sa ginagawa niyang pagpapapayat.

Pero kahit na masama ang pakiramdam, nagpunta pa rin ang TV host-actress sa 70th birthday party ng kanyang tita Helen Gamboa nitong nakaraang linggo lang.

“The day before my Tita Helen’s birthday party last Thursday, I was in bed, sick na naman. When I left the party that evening (nada-diet pa rin noon!), I was chilling and sweating cold sweat na.

By the time I arrived home, I took a warm shower and lots of meds and just conked out on my bed, sick. The next day I was bedridden na naman,” chika pa ni Mega sa kanyang FB post.

Dagdag pa nito, “I think I just have been so weighed down by too many concerns that even when my body wants to rest na, my brain and heart just won’t quit. So tired.

“Have a great one and enjoy with your kids, mamas! Whether they love you or not, or are with you or not, have fun,” sey pa ni Shawie. Ilang followers naman ni Sharon ang nagsabi na ipagdarasal nila ang mabilis na paggaling ng aktres-TV host.

Nagpayo pa ang ilang Sharonians na huwag naman daw masyadong karirin ni Mega ang pagpapapayat dahil baka ang kalusugan naman niya ang malagay sa alanganin.

May nagsabi pa na okay lang naman na hindi na pumayat si Sharon basta maayos lang ang kundisyon niya.