B-day party ni James Reid nag-trending sa TWITTER…bakit kaya?
Ervin Santiago - Bandera May 11, 2015 - 05:02 PM
ISA sa top trending topic ngayon ang 22nd birthday celebration ng Kapamilya matinee idol na si James Reid.
Nakasama ng young actor ang mga less fortunate children na kinakalinga ng Nayon ng Kabataan sa Mandaluyong City. Ang “Happy 22nd Birthday James Reid” ay kasama sa top 10 trending topic ngayon sa Twitter dahil na rin sa napakaraming pagbati ng kanyang mga follower sa nasabing social networking site. Pinakain at binigyan pa ng gifts ni James ang mga kapuspalad na mga bata sa Nayon ng Kabataan. Tuwang-tuwa ang hunk actor dahil marami siyang napaligayang mga kabataan sa kanyang kaarawan. Mas naging makahulugan daw ang kanyang 22nd birthday dahil dito.Present din sa nasabing selebrasyon ang ka-loveteam ni James na si Nadine Lustre. Nag-duet pa ang dalawa bilang regalo sa mga batang kasama nila. Nang hingan ng birthday message para kay James, game na game itong nagsalita sa harap ng maraming tao. “Stay as you are. Thank you for always being there, thank you for being my partner in crime and sana ay ganyan ka lang always. If you have issues or problems you can tell me, I will always be here,” anang Kapamilya teen actress.Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending