Excited na si Sam Milby dahil sa Huwebes na ang first taping day nila ni Judy Ann Santos para sa seryeng Against All Odds mula sa direksyon ni Malu Sevilla.
As of now ay hindi pa alam ng aktor kung anong eksena ang kukunan at kung saan ang location dahil hinihintay palang niya ang script at kung anong oras ang call time.
Magkahalong kaba at saya ang nararamdaman ni Sam dahil matagal-tagal din bago siya umarte sa harap ng camera bukod pa sa makakasama niya si Juday na noon pa niya hinahangaan.
Parang nakikinita na namin si Sam na sa sobrang starstruck kay Budaday, e, hindi siya makapagsasalita o baka matawa na lang siya kapag nagkamali siya sa kanilang mga eksena.
Anyway, ang daming inquiries kay Sam sa out of town shows pero hindi na niya nagawang tanggapin dahil mas priority niya ang serye nila ni Juday dahil limitado rin ang oras ng aktres sa taping.
Hayan, buhay na naman ang supporters ni Sam na laging binabantayan siya sa set.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.