Jackpot sa Super Lotto 6/49 aabot na sa P102M
Leifbilly Begas - Bandera April 15, 2015 - 02:03 PM
Super Lotto 6/49
Ayon sa Philippine Charity Sweepstakes Office, ang operator ng lotto, walang nanalo sa P95.5 milyong jackpot prize sa bola noong Martes ng gabi kung saan lumabas ang mga numerong 40-45-33-37-31-03.
Umabot sa P29.286 milyon ang halaga ng itinaya sa naturang bola. Sa bawat P1 itinataya sa lotto, 55 sentimos ang napupunta sa Prize Fund, 30 sentimos sa Charity Fund at ang nalalabi sa operasyon ng Lotto.
Nanalo naman ng tig-P70,000 ang 12 mananaya na nakalimang numero. Tig-P1,710 naman ang 684 mananaya na naka-apat na numero at 15,994 mananaya ang balik-taya (P20).
Nagkakahalaga ng P20 ang taya sa bawat anim na numerong kumbinasyon ng Super Lotto. Binobola ito tuwing Martes, Huwebes at Linggo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending