Nikki Gil nagdamot sa detalye ng magiging kasal nila ni Bj Albert

AYAW pang magdetalye ni Nikki Gil tungkol sa magiging kasal nila ng non-showbiz boyfriend na si BJ Albert.

Nakachika ng ilang members ng entertainment media ang TV host-actress pagkatapos ng presscon para sa 20th anniversary celebration ng Sunday musical show na ASAP sa ABS-CBN.

Kitang-kita ang kaligayahan at kilig sa mukha ni Nikki habang pinag-uusapan ang engagement nila ni BJ. Muntik pa ngang makatakas si Nikki after the  presscon pero nakorner nga siya agad ng ilang showbiz reporters, “Bukelya! Nabuking ang lola niyo!” natatawang chika ni Nikki nang maglapitan na sa kanya ang media.

Agad na tinanong ang TV host tungkol sa suot niyang engagement ring, “I describe it as a symbol of love and friendship and a bright future together.”

Pero naging matipid na ang pagkukuweto nito tungkol sa ginawang proposal ng kanyang dyowa, lalo na nang usisain na niya kung paano siya nag-react nang iabot na sa kanya ni BJ ang singing, “Yun na yun.

Actually, hindi ko nga siya balak makalabas…I wanted na to be kinda ano (private) about it.”  “I feel like less talk, less mistakes. I just want to keep that part of my life.

Siguro as much as I want to share it, kasi private person din yung aking husband-to-be,” aniya. Siyempre, lahat ng kasamahan niya sa ASAP ay super happy sa panibagong yugto ng kanyang buhay, “Masaya ako na masaya sila for me.

Of course, you still can’t expect everyone to be happy for you.  “But I’m very thankful that all of our friends and our families are excited. It’s a beautiful thing that’s happening,” aniya pa.

Chika pa ni Nikki  “answered prayer” ang pagdating sa buhay niya si BJ pagkatapos nga ng masalimuot na relasyon nila ni Billy Crawford, “I feel like God blessed me with someone who wants to make me become a better person.

And I couldn’t be happier.”  Dagdag pa niya, “Syempre, it’s exciting. It’s something that I’ve always prayed for. I’m happy that I’m entering a new chapter in my life.”

Ito naman ang tugon ni Nikki nang tanungin kung may date na ang kasal nila ni BJ at kung saan ito magaganap, “Saka na natin tsitsikahin yun. I’m still enjoying my being engaged.”