Miguel, Bianca gabi-gabing nagpapakilig sa Once Upon A Kiss
Samantala, patuloy naman ang mga nakakakilig at nakakagulat na eksena sa isa pang GMA Telebabad series na Once Upon A Kiss na pinagbibidahan ng pambatong young lovetean ng Kapuso network na sina Bianca Umali at Miguel Tanfelix.
In fairness, feel good lang ang seryeng ito kaya naman patuloy na tinututukan ng manonood. Kumbaga, pa-good vibes lang gabi-gabi ang handog ng Once Upon A Kiss.
Isa sa mga inabangang tagpo nitong mga nakaraang araw ay ang eksena kung saan nabalot ng putik ang katawan ni Prince at mawalan ng tubig sa posong pagliliguan sana niya at ng ilang magsasaka.
Dito nga napadaan si Aurora at tinulungan ang mga kababaryo. Pero hindi nga niya nakilala si Prince dahil sa putik nito sa mukha. Hanggang sa yayain ng dalagita si Prince sa bahay nila para doon na maghugas – gulat na gulat ito nang malamang si Prince pala ang lalaki.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.