Makapag-aasawa ba ngayong 2015?

Sulat mula kay Jasmin ng Quezon Avenue, Miputak, Dipolog City
Dear Sir Greenfield,
Single mom ako at may isang anak na girl, three years old girl na siya sa kasalukuyan. At nagta-trabaho ako sa isang call center. Nahihirapan po akong mag-isa, at siyempre bata pa naman ako sa edad na 25 yers old sa darating na March 8, kaya gusto ko rin makapag-asawa. May boyfriend ako sa ngayon na isinilang naman noong  September 5, 1982. Naisipan kong sumangguni sa inyo upang itanong kung siya na ba ang mapapangasawa ko? Kasi sa ngayon nagbabalak na kaming mag pakasal sa darating na December. Matutuloy kaya at kung matutuloy magiging maligaya naman kaya ang buhay namin kung kami na ang magkakatuluyan?
Umaasa,
Jasmin ng Dipolog City
Solusyon/Analysis:
Palmistry:
Kapansin-pansin ang mas malinaw na ikalawang Marriage Line (Illustration 1. Arrow 1.) sa iyong palad. Ibig sabihin, sa ayaw at sa gusto mo, at dahil sabi mo nga ay bata ka pa naman sa edad na 25 sa darating na buwan ng Marso, kaya nga kahit single mom ka, walang problema, siguradong makapag-aasawa ka at habang buhay na liligaya.
Cartomancy:
Queen of Hearts, Five of Hearts at Nine of Hearts ang lumabas (Illustration 1.) ang mga baraha ang nagsasabing ngayong taon ding ito, tamang-tama, sa buwan ng Disyembre pinakamatagal na sa buwan ng Enero 2016, sa edad mong 25 pataas, tulad ng nasabi na, kahit single mom ka, may isang maligaya at pang habang buhay na pag-aasawang itatala sa iyong kapalaran.
Itutuloy….