Kim napahiya, na-wow mali sa Davao City

HAYAN, nasa gitna na naman ng intriga si Kim Chiu dahil sa isang honest mistake nang mai-post nito sa kanyang Instagram account ang diumano’y napakahabang pila ng mga tao na manonood daw ng pelikula nilang “Past Tense” sa SM City Davao.

Marami talaga ang agad na nag-react at nagkorek sa ipinost ng aktres dahil ang naturang pila pala ay para sa isang movie production ng Ateneo de Davao Teatro Ateneo.

Dahil dito ay muling kinuyog ng bashers si Kim at pinayuhang mas maging maingat sa pagpo-post sa social media para hindi siya lumabas na kahiya-hiya.

Feeling naman namin, baka mayroon lang nagbigay ng maling litrato kay Kim at yun ang nai-post niya sa IG.
Kamakailan lang ay iniyakan ni Kim ang isyung binili raw niya ang kanyang Best Actress trophy mula sa Star Awards for TV para sa kanyang drama series na Ikaw Lamang.

Hay, ganyan talaga di ba kapatid na Ervin? Kapag sinuwerte ka, sunod-sunod ang dating, pero kapag tinamaan naman ng malas parang wala nang bukas pa.

Lesson learned, i-double check muna ang ipo-post sa mga social networking sites para hindi maging katawa-tawa.